يوم الوطن ماعرفنا كلمة المستحيل
يومً تغنابه الشاعر وجاد القصيد
يوم الوطن نحفظه واليوم يومً جليل
يومً وحبه سرى في داخلي والوريد
يومً مكانه قلوب الناس في كل جيل
ياجعل يوم الوطن عالي ودايم يزيد
بناه عبدالعزيز وشال حملاً ثقيل
وارسى دعائم حدودك ياوطن من جديد
المملكه شيدت بالسيف من فوق خيل
في ليلةً بعد ماقرر وراياً سديد
الله كم كان في باله وهمً يشيل
وكم حسب من يخون العهد والا يكيد
والأمن في ظل شرع الله ماله بديل
والجهل ولى وجاء نهضه وعلمً رشيد
عبدالعزيز الوطن أسس وجاء بالدليل
والشرع دستور الابناء لين أصغر حفيد
الشكر لله ثم اثني بشكراً جزيل
لعيال عبدالعزيز مكبلين العنيد
حنا على العهد والبيعه ورد الجميل
وللوطن كلنا حوله سياج وحديد
واختم على المصطفى صلوا نهاراً وليل
عداد ماغرد العصفور في كل بيد
.
(
(
